Jus lea hoahppu
Buorre diehtit ovdal go sáddet dieđu vuorjašumi birra
Dát skovvi lea almmolaš bargiid ja fágabargiid várás geain barggu geažil lea geatnegas jávohisvuohta ja dieđihangeatnegasvuohta
Don it sáhte sáddet dieđu vuorjašumi birra de go priváhta olmmožin jus vuorjašupmi lea dili birra mainna don leat oahpásmuvvan barggu olis. Jus don galggat sáddet dieđu vuorjašumi birra de go priváhtaolmmožin, mana de
Dus sáhttá leat geatnegasvuohta dieđihit
Almmolaš bargit ja fágabargit geain lea geatneas jávohisvuohta, sis sáhttá leat geanegasvuohta dieđihit suohkana mánáidsuodjalussii. Dieđihan geatnegasvuohta lea easka go leat eanet duođalaš dilit: go lea sivva doaivut ahte mánná illastuvvo dahje šaddá gillát eará lágan duođalaš fuolahisvuođa, dahje jus mánás leat leamašan bissovaš meannováttut.
Geas lea geatnegasvuohta dieđihit?
Geatnegasvuohta dieđihit guoská virgehasaide buot almmolaš ásahusain ja bálvalusain. Dat guoská maid jus don barggat organisašuvnnas dahje priváhta doaimmain geat doaimmahit bargguid almmolaš ásahusa ovddas. Lassin lea muhtin virgejoavkkuin vástideaddji geatnegasvuohta dieđihit. Diet guoská earret eará psykologaide, buohccedivššáriidda, bátnedoaktáriidda, jortamovrraide, fysioterapeuttaide, bargiide bearašsuodjaluskantuvrrain ja náittosáššiid soabadeddjiide.
Makkár diliin lea geatnegasvuohta dieđihit?
Buot almmolaš virgehasain lea geatnegahtton javohisvuohta. Lassin lea muhtin bargiin profešuvnna geažil geatnegahtton jávohisvuohta. Geatnegasvuohta dieđihit lea beroškeahttá geatnegahtton jávohisvuođa jus okta dahje eanet eavttuin mánáidsuodjaluslágas leat devdojuvvon:
Geatnegasvuohta dieđihit lea easka jus lea ballamis
- ahte mánná illastuvvo, dahje leat duođalaš váilevašvuođat beaivválaš fuolaheamis dahje eará duođalaš váilevašvuohta fuolaheamis
- ahte mánas lea heaggaváralaš dahje eará duođalaš buozalmasvuohta dahje lápmašupmi ja ii beasa iskkadeapmái dahje dikšumii
- ahte mánás eai leat ollislaš doaibmannávccat dahje lea mánná gii dárbbaša earenoamáš veahki, ii oaččo veahki dárbbu mielde dikšumii dahje oahpaheapmái
- ahte máná geavahit dahje šaddá geavahuvvot olmmošgávppašeapmái
Geatnegasvuohta dieđihit lea mai jus mánás leat duođalaš meannováttut dainna lágiin ahte lea duođalaš dahje geardduhuvvon kriminalitehta, gárrenmirkkuid geavaha dahje eará lágan earenoamáš eahpenormála meanut.
Don fertet ieš oahpásmuvvat eavttuide sáddet dieđu vuorjašumi birra mánáidsuodjalussii ja ieš árvvoštallat ahte lea go dus geatnegasvuohta dieđihit. Loga eanet geatnegasvuođa birra dieđihit dáppe
Dus lea persovnnalaš ovddasvástádus geatnegahtton jávohisvuhtii ja geatnegasvuhtii dieđihit
Dus lea persovnnalaš ovddasvástádus sihke geatnegahtton jávohisvuhtii ja geatnegahttom dieđiheapmái. Dis sáhttet leat rutiinnat bargosajis mat dadjet ahte lea lagamus jođiheaddji dahje soames earát geat galget dieđihit vuorjašumi. Dus lea liikká persovnnalaš ovddasvástádus ahte mánáidsuodjalus oažžu dieđu.
Jus vánhemat mieđihit, de sáhtát sáddet dieđu vuorjašumi birra vaikko eavttut eai leat ollašuvvan.
Lea go vuorjašupmi hui duođalaš áššiid birra?
Jus vuorjašupmi lea hui duođalaš áššiid birra, nu go veahkaválddálašvuođa birra dahje seksuála veagalváldima birra, de berret váldit oktavuođa mánáidsuodjalusain digaštallat mainna lágiin galgá dahkat. Čuojat mánáidsuodjalussii ovdal go dieđihat máná ovddasteddjiide vuorjašumi dieđu birra.
Movt mun dieđán ahte vuorjašumi diehtu lea váldojuvvon vuostá?
Mánáidsuodjalus galgá golmma vahku sisa sáddet dutnje dieđu ahte leat váldán vuostá dieđu. Mii ávžžuhit du váldit oktavuođa mánáidsuodjalusain jus don it oaččo diekkár dieđu golmma vahku sisa. Go sáddet dieđu vuorjašumi birra dán neahttasiiddu bokte, de oaččut guitte mas lea referánsanummar. Referánsanummara sáhtát geavahit go leat oktavuođas mánáidsuodjalusain.